राहदानीको म्याद १ वर्ष वा सो भन्दा कम भएमा वा राहदानी हराएमा वा Damage भएमा वा पुरानो राहदानीमा केही व्यक्तिगत विवरण गलत भएमा मात्र राहदानी नवीकरणका लागि आवेदन दिन सकिन्छ।

राहदानी नवीकरणको लागि देहायबमोजिमको प्रक्रया पुरा गरी दूतावासमा स्वयम् उपस्थित हुनुपर्दछ।

१. राहदानी नवीकरणका लागि e-Passport enrollment online form अनिवार्य रूपमा भरेर आउनुपर्छ। Online Form भर्नका लागि Department of Passports को Website Visit गर्नुहोला। अथवा तल दिईएको लिङ्कमा Click गरी फारम भर्न सक्नुहुनेछ।

https://online.nepalpassport.gov.np/

२. Online Form भरेपछी प्राप्त हुने Barcode सहितको Passport Application Form को Screenshot गरी ल्याउनुपर्दछ जसमा WPT number उल्लेख भएको हुन्छ।

३. पुरानो राहदानीको सक्कल तथा प्रतिलिपि एक(१) थान र नागरिकताको प्रतिलिपि एक(१) थान अनिवार्य रूपमा ल्याउनुपर्दछ। फोटो आवश्यक पर्दैन।

४. Online Form को तलपट्टी देखाएको मिति र समयमा दूतावासमा आई सेवा लिन सक्नुहुनेछ।

५. नाबालकको राहदानीको हकमा पहिले जन्मदर्ताको Online Form भरी प्राप्त टोकन नम्बर Screenshot गरी राहदानीको लागि अर्को Online Form भरेपछी प्राप्त हुने WPT Number सहितको Passport Application Form को Screenshot गरी ल्याउनुपर्दछ।

६. राहदानी नवीकरणको लागि दस्तुर : New/Renew:-2,30,000 Won for Adult

New/Renew: -1,15,000 Won for children below 10 years

Lost/Damage:- 4,60,000 Won for Adult

Lost/Damage:-2,30,000 Won for Children below 10 years

Note: हराएको अवस्थामा: अनिवार्य रूपमा पुलिस रिपोर्ट गरेको कागजात (분실신고확인서) संलग्न गर्नु पर्नेछ ।

जन्म दर्ताका लागि आवश्यक पर्ने कागजातहरूः

• अस्पतालद्वारा जारी भएको बच्चाको जन्म प्रमाणपत्र (अङ्ग्रेजी भाषामा)
• बच्चाको बुबा र आमा दुवैको नेपाली नागरिकता प्रमाणपत्र र राहदानीको फोटोकपी
• बच्चाको बुबा र आमा दुवैको एलियन रजिष्ट्रेशन कार्डको फोटोकपी
• विवाहदर्ता प्रमाणपत्रको फोटोकपी
• Passport Size को Photo २ प्रति ( आँखा खुलेको, सिधा, मुख बन्द भएको, सकेसम्म कान देखिने)
• https://public.donidcr.gov.np/ मा लग-इन गरी रीतपूर्वक भरेको जन्म दर्ता सूचना फाराम (Birth Registration Information Form) र उक्त पोर्टलमार्फत प्राप्त टोकन नम्बर
• जन्म दर्ता दस्तुरः बच्चा जन्मिएको ३५ दिनभित्रः निःशुल्क

३५ दिन कटेको हकमाः कोरियन वन- ४०,०००।-

(अनलाइन पोर्टलबाट प्राप्त उक्त टोकन नम्बर र माथि उल्लेख भएका सबै कागजातहरूको एक/एक प्रति फोटोकपीसमेत लिएर बच्चाको बुबा वा आमामध्ये एकजना स्वयं राजदूतावासमा उपस्थित हुनुपर्नेछ।)

जन्म दर्ता प्रमाणपत्रमा संशोधन गर्नुपरेमा वा प्रतिलिपि आवश्यक परेको खण्डमा भने यस राजदूतावासमा जन्मदर्ता भएका बच्चाको हकमा मात्र आवश्यक दस्तुर लिई प्रमाणपत्र संशोधन गरिने वा प्रतिलिपि दिइने छ।

नोट: दक्षिण कोरियामा जन्मिएका बच्चाको नेपालमा जन्म दर्ता गर्नुपरेमा बच्चाको जन्म प्रमाणपत्रलाई दक्षिण कोरियाको परराष्ट्र मन्त्रालयबाट प्रमाणित गराई यस राजदूतावासबाट प्रमाणीकरण गरी उक्त कागजात नेपाल पठाउनुपर्नेछ । साथै उक्त कागजात नेपालको कन्सुलर सेवा विभाग त्रिपुरेश्वरबाट थप प्रमाणीकरण गरी आफ्नो सम्बन्धित वडा कार्यालयमा पेस गर्नुपर्नेछ ।

यस राजदूतावासमा जन्म दर्ता गरिसकेकाको हकमा नेपालमा पुनः जन्मदर्ता गराइरहनु पर्दैन ।